Har raasta bhi kuch raha mushkil
kuch manzil bhi meri mere pas na thi
shikwe na shikayat na koi gila
kismat hi zara apne saath na thi
sukoon talab hai is talaatum ke baad
meri kashti ke sahil pe muddat na thi
kis qadar be-bas hoon tere zulm ke aage
qabal kabhi be-basi ki ye shiddat na thi
tum pe kese dharoon ilzaam bewafai ka
tumhari fitrat se kab mujhe waqfiyat na thi
main is liye bhi zyada meherbaan rahi
mohobbat main aitedaal ki qail zara na thi
tumari khala, tumare mousam, tumara zamana
meri bahar ko is main kuch mouhlut na thi
maine chaha buht ke na chahoon tumhain
mere ikhtiyar main magar meri chahat na thi
khud apne hi teer se ghaayal hain rabiya
khudaaon ki tou pehle ye aadat na thi
- Ms.Shehab
No comments:
Post a Comment