Jaana..

Dheere dheere aashna hone lage, tou yun lagta raha 
Chaar din hain mohobat ke, guzarte jaa rahe hain

Zara se jo maraasim barhe, hum ne jana 

Aap chaand, hum aapki chandni hote jaa rahe hain

Rafta rafta maraahil jo aatay gaye 

Dil ghabraane laga ke faasle hote jaa rahe hain

Shab-e-hijr jo yaadon main katt rahi hai 

Andhere ye aankhon main utarte jaa rahe hain

Wo aap ki hansi, wo lehje, wo kuch toote jumle 

Ab bhi mere kaanon main gounje jaa rahe hain

Yun mehsus hone laga hai, manzilon ko chor kar 

Hum raaston pe dar-ba-dar, bhatakte jaa rahe hain

Ab tou karam kijiye, ab tou zara pukaar lijiye 

Ye lamhon ke daaman warna, simat-te jaa rahe hain

Ab ke JAANA mere sabr ka aazmaa na kijiye 

Ke jate jate hum jaan se jaa rahe hain..

-Ms.Shehab